Liebe Michael, DANKE för die 11 Johr voller tolle Erennerige! Dass du Berliner Luft ned könnt hesch (ond das denn freiwillig teschted hesch), dass du emmer probiert hesch am Morge vor mer im Büro z’sii (ond das tatsächlech eis einzigs Mol gschafft hesch), dass ech mech regelmässig gäg dini Spröch han mösse verteidige oder dass du emmer druf beharrt hesch s’Titelbild vo de Broschüre uszsueche – es bliibt ganz bestemmt alles onvergässe. Ech schätzes onglaublech fescht, dass du i allne Mönsche emmer s Positive gseh hesch ond dech regelmässig nochem Wohlbefinde vo allne erkundet hesch. Du hesch emmer es offnigs Ohr för alli gha ond mer hed jederziit zo der chönne cho, au wenns nor om ganz normali Alltagsgspröch gange esch. Of dim wiitere Wäg wönschi der alles Glöck vo dere Wält ond schecksch öppe e Poschtcharte! Danke vöu Mou hesch du üs allne so en tolli Ziit bi STC ermöglecht ond ech hoffe fescht, dass du üs ab ond zue wenn ide Schwiiz besch mol es Bsüechli abstattisch ond vo dine Reise verzöusch!